مبدئياً البوست ده طويل شويه ف متزهقش وإقرا للآخر وبتركيز.
مش هاقولك غيّر طريقتك قبل الإمتحان بإسبوعين، بس هاقولك الطريقه اللي بفضّلها شخصياً وتقدر تجربها على الأقل لو الوقت سرقك ولقيت نفسك محتاج تحل passage واحده في عدد دقايق قليل.
الطريقه دي إسمها Inverted Reading وبإختصار شديد بتمشي فيها بالترتيب ده:
1- إقرا الـ blurb و أول paragraph.
2- جاوب الـ vocabulary.
3- جاوب الـ evidence questions عن طريق إنك تقرا السؤال الأولاني وتجاوب الـ evidence (السؤال التاني) وبعد كده ترجع تجاوب السؤال الأول.
4- جاوب الأسئله اللي مفيهاش reference لـ line ولا paragraph عن طريق إنك تطلع كلمه keyword من السؤال وتعمل عليها scan في الـ passage ولما تلاقيها إقرا حواليها وغالباً الإجابه هاتبقا في المنطقه دي.
5- جاوب أسئلة الـ graph.
6- جاوب أسئلة الـ main idea.
طبعاً ده technique هدفه يسهّل عليك ترتيب الأسئله لكن مفيش شئ يضمن إنك تحل صحّ غير قدراتك على إنك تقرا وتفهم كويس. ف بغض النّظر عن الـ techniques ممكن نقول بإختصار good readers can read regardless of the technique they use. ف لو إنت مهاراتك كويسه في القرايه هاتعرف تحل أياً كان الـ technique اللي بتستخدمه.
طيب غير الـ technique ممكن أعمل إيه آخر إسبوعين؟
1- راجع الموضوعات كويس، يعني إتطمن إن مفيش نقط ضعف عندك في الـ grammar ولا في أنواع أسئله معينه. ولو حسيت إن في شئ ناقصك إرجع ذاكره وحل عليه أو إتكلم مع المدرس بتاعك عشان يشرحهولك لحد ما تتطمن. ودايماً خلي الـ grammar يكون شئ بيتفهم مش بتحفظه زي معادلات الفيزيا. الـ grammar في أساسه functional، يعني كل كلمه أو phrase او clause بتلعب دور في الجمله، لو قدرت تفهم ده هاتلاقي نفسك فاهم structure و punctuation كويس من غير حفظ. والله يكرمك بلاش تطبق shorter is better عمياني. إختار الإجابات عن فهم مش عن حفظ لشوية قواعد وكإن اللي عاملين الإمتحان ناس ساذجه وإنت هاتعرف تضحك عليهم بـ shorter is better كل ما تحتار في سؤال.
2- إمسك إمتحانات الـ official حتى لو كنت حليتها قبل كده وإمسك الـ model answer وأنكش كتير في الإجابات والمنطق بتاعها وإتطمن بردو إن مفيش أفكار جديده عليك.
3- راجع الـ vocabulary اللي إنت المفروض جمعته قبل كده في الـ note بتاعتك. وإتطمن إنك فاكر الـ most frequent words ولو مش عارف تلاقيهم فين هاتلاقيهم على الـ page هنا، كل اللي محتاج تعمله تشترك وترجع تشوف الـ posts اللي فاتت وهاتلاقيهم.
4- لو محتاج شرح لحاجه ومش بتشتغل مع مدرس يقدر يقعد معاك face to face ويشرحلك إبعتلي سؤال إن شاء الله أقدر أساعدك.
طيب بالنّسبه لحل الإمتحانات أعمل إيه؟
ده مش وقت تقييمك لنفسك، خلاص الإمتحان بعد إسبوعين ف المطلوب منك تهدا وتبطل ضغط على أعصابك. المفروض الفتره دي إنت بتحل عشان تتطمن وتظبط وقتك مش عشان تقيّم نفسك. لو إنت عملت اللي عليك خليك فاكر كويس إن الـ score مش بيزيد بالـ stress بالعكس ده بيزيد بالهدوء والتركيز. ف لو حضرتك ولي أمر حاول تتجنّب الضغط على إبنك أو بنتك الوقت ده.
خلي بالك كويس من موضوع مواعيد النوم. متنامش طول اليوم وتصحى بليل تذاكر لإن غلط جداً تقلب مواعيد نومك قبل الإمتحان، هاتروح تاني يوم عامل زي الـ zombie ولا إنت صاحي ولا إنت نايم.
بالتوفيق يا شباب واللي يحتاج مساعده يتواصل معايا وإن شاء الله ربنا يكرمكو 
تابع الصفحه عشان توصلك باقي فيديوهات الشرح وتوصلك مواعيد الكورسات.
في مجموعات جديده هاتبدأ في الهرم وفيصل ومصر الجديده وأونلاين في بداية شهر ١١وأونلاين في بداية شهر .
تابع الموقع عشان يوصلك شرح يساعدك في المذاكره وكمان تعرف مواعيد كورسات Mr. John Edward
لحجز الكورس سجل بياناتك في اللينك ده وهانتواصل معاك
https://mrjohnedward.com/book-a-class/
أو إبعت رسالة WhatsApp على 01228081583
Mr. John Edward
Cambridge CELTA Certified English Instructor