كلمتين بخصوص أسئلة combining sentences عشان الواحد شاف العجب اليومين اللي فاتو.

١- مفيش حاجه إسمها عد الكلمات والأقل تبقا أكيد أحسن.
٢- مفيش حاجه إسمها اللي فيها semicolon لازم تبقا غلط.
٣- مفيش حاجه إسمها الـ passive دايماً غلط.

لو إنت طالب عايز تجيب score عالي يبقا إنت مش هاتخاطر بدرجاتك عشان تمشي ورا الـ rules اللي كلها تأكيدات من غير تفكير.

ركز معايا عشان تفهم أسئلة combine دي الهدف منها إيه، ببساطه شديده إنت مطلوب منك توصل جملتين ببعض، يبقا أول حاجه تعملها تقرا الجملتين اللي مطلوب منك توصلهم، مفيش حاجه إسمها تروح للإجابات وخلاص.
تاني حاجه تخلي بالك منها هي ال focus بتاع الجملتين دول. إقرا المثالين الجايين دول عشان تفهم تقصدي:
I studied hard, so I passed the exam
I passed the exam because I studied hard
الجملتين نفس المعنى تقريباً لكن هل إختلاف الترتيب مالوش أي لازمه؟ في الجمله الأولى ال focus على إني ذاكرت كويس، في الجمله التانيه ال focus على إني عديت الإمتحان. وبالتّالي تبديل ترتيب الجمل اللي بتعملها combine ممكن يغير ال focus لحاجه تانيه غير الموضوع اللي ال paragraph بيتكلم فيه.
تالت حاجه، ودي ليها علاقه بالنقطه التانيه، هي ال passive voice. مُشكلة ال passive voice هي إنه بيغير ال focus من على ال subject للـ object. شوف المثالين دول:
The boy has broken the window
The window has been broken by the dog
وبالتالي المشكله الحقيقيه في ال passive مش مجرد إنه خلى عدد كلمات الجمله أكتر، لكن إنه غير محورها من ال boy للـ window. هل ده معناه إن automatically الـ passive غلط؟ لأ، لو إنت فعلاً عايز تحافظ على كل درجه لازم تفكر وتكون شايف ليه الإجابه غلط أو ليه في أحسن منها مش لمجرد إن فيها passive ترميها.
رابع حاجه ال illogical relations، يعني لو أنا قولتلك مثلاً وصل الجملتين دول:
I studied hard. I passed the exam
مينفعش تقولي:
I passed the exam, so I studied hard
السبب هو إنك ذاكرت والنتيجه إنك نجحت، مش العكس. وده معناه إنك لازم تكون فاهم إنت بتقرا إيه .. اللغه مش rules بنستخدمها زي الـ machines لازم تكون بتقرا وبتفهم اللي بتقراه عشان تعرف تختار صح.

متتعاملوش مع اللي بيحطو الإمتحان على إنهم ناس مبيفهموش ومش عارفين القواعد السحريه اللي بتحلو بيها دي. الإمتحانات دي بيحطها متخصصين بيعملو analysis على كل إمتحان وكل نوع من أنواع الأسئله، ومفيش أي شئ يجبرهم يجيبو الإجابات بحيث إن الأقصر في أسئلة combine دايماً تكون صح وإن Delete دايماً صحّ والكلام الفارغ ده.

من الآخر، إمتحان ال SAT بيختبر قدرتك على Critical Reading، يعني لازم تكون بتقرا كويس وبتحلل اللي بتقراه وتكون فاهم إن في فرق كبير بين اللغات بشكل عام والـ Mathematics. اللغات مرتبطه بالوعي البشري، مالهاش قواعد تقدر تطبقها ف توصل لنتايج ثابته وإلا كانو عملولها calculator زي الـ Math. اللغه محتاجه تذوق، تكون بتقدر تفكر وتحلل وتعرف تستخدم اللغه بشكل functional عشان توصل اللي عايز تقوله وتفهم اللي بتقراه. متحفظوش الـ Grammar زي معادلات الـ Chemistry، إفهموه هاتلاقوه أسهل وأجمل.

لحجز الكورس سجل بياناتك في اللينك ده وهانتواصل معاك

https://mrjohnedward.com/book-a-class/

أو إبعت رسالة WhatsApp على 01228081583

Mr. John Edward
Cambridge CELTA Certified English Instructor