النهارده هانكلمكو طرُق أجابة الـ Reading Passages اللي عاملالكو مُشكله. مبدئياً خلينا نتفق إن مُشكلة أغلب الطلبه مع الـ Reading بتكون الـ vocabulary والوقت. اللي فاهم اللي مكتوب قدامه كويس غالباً مش هايعاني مع الأسئله لو عمل practice على الأفكار بتاعتها. والمُشكله التانيه إن في ناس عشان تفهم كويس بتحتاج تقرا بالراحه وده بيخليهم ميلحقوش يخلصو باقي الـ passages وبيلوّنوها.
في كذا technique للـ Reading وكل ما كان الطالب أشطر كل ما هايكون كويس في أكتر من technique وهايعرف يستخدم كل technique في الوقت المناسب على حسب ظروف الـ passage والوقت اللي باقي معاه.
أهم طرُق للتعامُل مع الـ Reading Section هاتكون إما قراءة الـ passage كلها، وده التعامُل الطبيعي مع النصوص الأدبيه (بغض النظر عن نوعها). بس ده ليه ميزه وعيب، الميزه إنك لو قدرت تفهم الـ vocabulary مش هاتتعب خالص في محتوى الـ passage وهايكون عندك معرفه بكل تفاصيلها. بس المُشكله الكبيره إن الطريقه دي محتاجه حد سريع جداً في القرايه، يخلص قراية الـ passage في 3 دقايق، ودي حاجه ممكن الـ natives نفسهم ميقدروش يعملوها.
الطريقه التانيه هي الـ skimming، إنك هاتمشي عينك على الـ passage بسرعه عشان تفهم الـ gist بتاعها، أو الخُلاصه زي ما بنقول يعني. ميزة الـ skimming إنه هايوفر وقت، بس مُشكلته إنه محتاج طالب عينه متعوده على القرايه بسرعه جداً، ولو معملش skimming بتركيز ممكن يبقا ضيع وقت ومجمعش أي حاجه ويضطر يرجع تاني يقرا الـ passage بالراحه، ف يبقا خسر ضعف الوقت.
الـ technique التالت بسمّيه الـ Inverted Reading. الفكره هنا إنك بدل ما تقسم النصوص الأدبيه لأنواع بحسب محتواها (مثلاً الـ novel فيها setting و characters و plot و theme إلى آخره) أحنا ممكن نقسمها تقسيمه تمشي على أي نص، والفكره هنا إننا نقسم النصوص بحسب التركيب الأساسي بتاعها. يعني مثلاً أكبر وحده في أي نص بييجي في الـ SAT هانسميها Passage، واللي أصغر منها Paragraph واللي أصغر منه Sentence واللي أصغر منها Word.
عشان تقدر تحل من غير ما تقرا كتير في الـ passage إبتدي من الوحدات الصغيره اللي مش محتاجه قرايه كتير عشان تجاوب أسئلتها وبعد كده إتحرك للوحدات الأكبر. يعني هاتمشي بالترتيب ده بعد ما تقرا الـ blurb وأول paragraph:
1- Vocabulary Questions
2- Questions with Line References
هاتقرا السؤال اللي بييجي قبل الـ evidence question وبعد كده تحل سؤال الـ evidence وبعد كده ترجع للسؤال اللي قبل الـ evidence تحله
3- Paragraph Questions
4- No Reference Questions
ودي الأسئله اللي مش بيقولك تدور على إجابتها فين، والحل هنا إنك تطلع keyword من السؤال تعمل عليها scan في الـ passage والإجابه غالباً هاتبقا حواليها، بس أهم حاجه تفهم السؤال صح عشان تعرف تطلع الـ keyword اللي تسهل عليك الإجابه.
5- Main Idea Questions
بعد ما تكون جاوبت كل الأسئله دي وقريت الـ evidence و paragraph أو إتنين وإنت بتحل، ساعتها هايكون عندك فكره كويسه عن الـ passage وتقدر تجاوب الأسئله اللي ليها علاقه بمحتوى الـ passage ككل.
بعد كده ده يكون باقيلك إيه؟ إنك تحاول تعرف كلمات بقدر الإمكان عشان متواجهكش صعوبه مع الكلمات الجديده اللي ممكن متعرفش تخمنها من السياق بتاع الكلام. وعشان نسهل عليك Mr. John Edward جمعلك الكلمات دي في كتاب SAT Essentials: Reading and Vocabulary.
تابع الموقع عشان يوصلك شرح يساعدك في المذاكره وكمان تعرف مواعيد كورسات Mr. John Edward
لحجز الكورس سجل بياناتك في اللينك ده وهانتواصل معاك
https://mrjohnedward.com/book-a-class
أو إبعت رسالة WhatsApp على 01228081583
Mr. John Edward
Cambridge CELTA Certified English Instructor