في الـ SAT في نوعية إسئله بتعتمد على معرفتك بالـ collocations .. طب يعني إيه collocations أصلاً؟

الـ collocations بإختصار هي الكلمات اللي بتستخدم مع بعض بشكل طبيعي إعتيادي من غير ما يكون معناها غريب أو شاذ.

يعني مثلاً لو قولتلك make your homework هاتقولي دي جمله غريبه، المفروض أقول do your homework. أو زي ما تقول tall man و long street مينفعش تقول tall street و long man. هي دي الـ collocations. كلمات بتنفع تستخدم مع كلمات تانيه، والموضوع ده مهم لإن دي مش rules هاتحفظها وتطبقها لكن الـ collocations لازم تكون عارفها ولو مش عارفها غالباً هاتحلها غلط. يعني لو مش عارف مثلاً الفعل adhere مش هاتعرف تحط بعده أنهي preposition، ومفيش قاعده معينه هاتقدر تذاكرها هاتعلّمك تخمّن الـ collocations.

وبالتّالي الحل الوحيد هو إنك تقرا كتير ف تعدّي قدامك الـ collocations وكل ما تيجي قدامك حاحه متعرفهاش تذاكرها. يعني متقعدش مستني كتاب ييجي يحللك موضوع الـ collocations ولا إن مُدرّس يحفّظهالك عشان دي مرتبطه بالـ fluency بتاعتك إنت وقدرتك على إستخدام اللغه ودرايتك بيها. وكل ما كنت fluent أكتر كل ما كان الـ English بتاعك colloquial وطبيعي بالنسبه للـ natives وهايبقا الـ SAT لعبه بالنسبالك.

طيب أوصل إزاي للـ fluency دي؟

١- إقرا كتير

٢- إسمع كتير

٣- حاول بقدر الإمكان تستخدم اللغه في إنتاج كتابه أو حديث، عشان الكلمات اللي بتستخدمها غالباً بتكون قدرتك أعلى في إنك تفتكرها

٤- متسيبش حاجه جديده تعدي قدامك من غير ما تسجلها في الـ note بتاعتك

٥- إوعى تترجم اللغه. إتعامل مع الإنجليزي كلغه مستقله غير قابله للترجمه، ومتروحش على Google وتديله جمله يترجمهالك. اللغه منتج بشري الكمبيوتر مهما كان متقدم مش هايقدر يتذوقها ولا ينتجها زي البشر. يعني من الآخر لو إتعلمت صح وإجتهدت إنت هاتبقا احسن من Google

تابع الموقع عشان يوصلك شرح يساعدك في المذاكره وكمان تعرف مواعيد كورسات Mr. John Edward

لحجز الكورس سجل بياناتك في اللينك ده وهانتواصل معاك

https://mrjohnedward.com/book-a-class

Mr. John Edward

Cambridge CELTA Certified English Instructor