هل لو قريت معلومات كتير عن الأدب والعلوم هاعرف أحل أحسن في الـ SAT English؟

السؤال ده صعب شويه وركز معايا أوي عشان تفهم كلامي.
مبدئياً إمتحان SAT بيمتحن فهمك للـ texts المكتوبه قدامك وبالتّالي لو متعرفش حاجه عن موضوع الـ text بس بتعرف تقرا كويس ف مش هايبقا عندك مشكله وهاتحل عادي. ده ميمنعش إن معرفتك بموضوع معين ممكن تسهّل عليك فهمه لإنك هاتبقا عارف الـ vocabulary بتاعه، بس خلي بالك إن معرفتك بوجهة نظر معينه في الموضوع ممكن تخليك تفهم المكتوب قدامك غلط. إزاي؟! يعني مثلاً لو إنت قريت كتير في موضوع الـ abolitionism أو إلغاء العبوديه بس قريت كتير لآراء ضد العبوديه وإتحط قدامك في الإمتحان passage بتأيد العبوديه ف هنا إنت ممكن تفترض إن هدف الكاتب هو إلغاء العبوديه وهو بيقول العكس تماماً. ف القاعده الأولى هي إنك متفترضش حاجه من عندك، سيب الـ text هو اللي يقولك محتواه.
الحاجه التانيه ودي تحديداً بتكون في الـ Novel. معرفتك بإسلوب كاتب ما بشكل كويس ممكن يكون نقطه ضدك مش في صالحك. في Practice Test 3 أول passage هي جزء من قصه قصيره للكاتب Hector Hugh Munro المعروف بإسم Saki. لو قريت القصه كلها هاتعرف إن Carlotta بطلة القصه هي شخصية تشبه القدر، بتوقّع كل شخص في شر أعماله، وعندك تلميح للفكره دي في lines 14-22 لكن كل ده هو مجرد مقدمة القصه. لو إنت عرفت باقي القصه غالباً هايبقا إنطباعك عن Carlotta إنها شريره وبالتالي في سؤال رقم 1 ممكن تغلط وتختار C لإنها بتقول إن Carlotta رايحه تنتقم من العيله اللي راحت بيتهم. وفي سؤال 5 ممكن تختار B لإنها بتقول إن Carlotta شخصيه قاسيه وبتعامل الناس بعنف.
الأفضل ليك في أوقات كتير هو إنك متكونش داخل تحل الإمتحان بإفتراضات عن محتوى الـ passages وإنك تسيب كل passage تقولك المعلومات اللي فيها. متقيسش الموضوع بالمنطق ولا بالإحساس. وبناءاً على الكلام اللي فات ده ف أنا أشجعك تقرا كتير عشان تكتسب مهارات القرايه وتقرا أسرع وتطلع vocabulary مش عشان تحفظ محتوى المواضيع ووجهات نظر عنه لإن في الأول وفي الآخر المرجع الوحيد هو الـ passage اللي بتمتحن فيها مش أي passage تانيه قريتها عن نفس الموضوع.

تابع الموقع عشان يوصلك شرح يساعدك في المذاكره وكمان تعرف مواعيد كورسات Mr. John Edward

لحجز الكورس سجل بياناتك في اللينك ده وهانتواصل معاك

https://mrjohnedward.com/book-a-class/

أو إبعت رسالة WhatsApp على 01228081583

Mr. John Edward
Cambridge CELTA Certified English Instructor