يا ترى العلم بيقولنا إيه عن عملية القراءه؟ وإزاي نقدر نستخدم ده عشان نحل كويس في إمتحان الـ Reading؟
مبدئياً أغلب الطلبه قرايتها بطيئه بالمقارنه بالـ Natives، والمُشكله التانيه إن لما بيقرو حاجه بيحاولو يترجموها وده شئ تلقائي في مرحله معينه من رحلة إتقان اللغه. في هنا مُشكلتين، أول حاجه هي إن الناس بتحاول تعوّض سرعة القرايه بإنها تاخد كلمتين من كل سطر وتحاول تفهم المعنى. اللي دماغنا بتعمله في الحاله دي هو إنها بتحاول تكمل الفراغات الناقصه بين الكلمات اللي بنقراها. تخيل مثلاً إني إديتك ورق صغير مكتوب فيه كلمة boy و ball و school وقولتلك جمع جمله مفيده بيهم. هنا عندك كذا إحتمال، ممكن تقول the boy plays with a ball at school
أو the boy brought a ball to school
أو the boy shouldn’t take the ball to school
كل دي إحتمالات تقدر تطلع بيها من 3 كلمات قريتهم. ده اللي دماغك بتعمله لما تخطف كام كلمه وتحاول تفهم بيهم جمله أو paragraph، في الحقيقه إنت مش بتعرف حاجه من اللي بتقراه لكن دماغك بتكون جمله مفيده مش بالضروره هي اللي في الـ text اللي بتقراه. وبالتالي الحل مش إنك تخطف كام كلمه من كل paragraph لكن إنك تعود عينك تقرا أسرع وتفهم أسرع وده مش هايجي غير بإنك تقرا صح وتقرا كتير.
المُشكله التانيه هي إنك تحاول تقرا بسرعه وتفتكر اللي بتقراه بكل تفاصيله وتعتمد على الذاكره في إنك تجاوب. والحاله دي بتفترض إن الطالب بيقرا بسرعه فعلاً وبيحاول يوفر وقت بإنه ميرجعش للـ text ويبتدي يجاوب على طول. وهنا ييجي دور كتاب لطيف جداً إسمه Seven Sins of Memory أو “الخطايا السبعه للذاكرة”. الخطايا السبعه هي حاجات بتعملها دماغنا وهي بتفتكر أي تفاصيل ولازم تكون واعي للحاجات دي عشان أوقات كتير هاتكون من أسباب إنك تفتكر حاجه بشكل مش صحيح. هانتكلم عن 6 منهم هنا ودول ليهم تأثير على مذاكرتنا وإستعدادنا للـ SAT:
1- The Sin of Transience
الأولى هي إنك ببساطه تقرا حاجه وتنسى إنك قريتها ولما تنسى إنك قريتها تلاقي نفسك بتجاوب أسئله بمعلومات غير اللي السؤال يقصدها.
2- The Sin of Absent-mindedness
التانيه هي إنك تسرح وإنت بتقرا ويتحول الموضوع لإنك بتمشي عينك على الكلام ف تُرهق وتسرح ومتفتكرش حاجه من اللي قريته غير تفاصيل قليله جداً مش كافيه إنك تجمع صوره كافيه عن الـ text اللي قدامك.
3- The Sin of Blocking
التالته هي إنك تكون فاكر الحاجه كويس بس بمجرد ما تحاول تفتكر شئ تاني تنسى اللي كنت بتحاول تحافظ عليه في ذاكرتك. وده هايحصل معاك في الـ SAT لو حاولت تفتكر كل تفاصيل الـ passage وبمجرد ما تحاول تسترجع المعلومات دي في أول سؤالين هاتنسى المعلومات اللي محتاجها عشان تجاوب باقي الأسئله وهاتضطر ترجع تاني للـ text وده معناه إنك هاتضيع وقت في القرايه مرتين.
4- The Sin of Misattribution
الرابعه هي إنك تفتكر تفاصيل بس تنسبها لموقف غلط. زي مثلاً ما تسمع مجموعه من الأقوال المأثوره أو الأمثال وتسمع أسماء الأشخاص اللي قالوها بس لما تيجي تفكر تنسب المقوله لشخص تاني غير اللي قالها. ببساطه اللي بيحصل هنا إن ذاكرتك بتجمع الحاجات اللي بتفتكرها جنب بعض حتى لو مكانش بنفس الترتيب اللي سمعته بيه.
5- The Sin of Suggestibility
الخامسه هي إنك نتيجه لإنك بتنسى تفاصيل دماغك بتميل إنها تمشي ورا الآراء بتاعت الناس التانيه وتقتنع باللي بيقولوه. ده في الـ SAT هايعملك مشكله كبيره مع الأربع إجابات بتاعت الأسئله، بما إنك مش فاكر المعلومه بوضوح ف دماغك بتميل لإجابه من الإجابات وبتحسسك إنها منطقيه أكتر من غيرها بسبب تشابه في كلمه أو تعبير. ودي الـ sin اللي بتخلي طلبه كتير تختار إجابات وتقول “أنا حاسس إنها صح”. الإحساس هنا مش مؤشر لصحة الإجابه، هو بس مؤشر إن دماغك بتلعب معاك game وإنت مش فاهم إيه اللي بيحصل.
6- The Sin of Bias
السادسه إنك تكون مُنحاز لشئ ف تفتكره أكتر من غيره. ودي الـ sin بتاعت الـ paired passage. من الآخر لو بتقرا رأيين في الـ paired passage دماغك هاتفتكر الرأي والـ argument اللي انت تتفق معاه أكتر ما هاتفتكر الرأي اللي بتختلف معاه.
إيه الحل في المشاكل دي؟
أول حاجه بقدر الإمكان إرجع للـ text وقلل كمية التفاصيل اللي محتاج تفتكرها بإنك ترتب الأسئله بحيث إنك لما تقرا جُزء تجاوب السؤال الخاص بيه.
تاني حاجه إنك تشتغل بـ technique يسهل عليك تتعامل مع مشاكل الذاكره الخاصه بيك. يعني لو تركيزك قليل شوف technique مش هايخليك تقرا كميات كبيره. ولو متعود على القرايه وبتقرا بسرعه وبتفتكر كويس إتأكد إنك بتراجع إجابتك على الـ text قبل ما تسيب السؤال وتدخل في اللي بعده.
تالت حاجه إفهم نفسك كويس وإعرف نقط ضعفك وشاركها مع المدرس بتاعك اللي يُفضّل يكون فاهم المواضيع دي وبيعرف يتعامل معاها ويديك تدريبات تسهل عليك وتخليك تحل إحسن.
وأخيراً، بالنسبه للـ vocabulary حاول دايماً تحفظ الكلمات في سياق، يعني كل كلمه تحفظها لازم تعرف معاها sentence تفكرك بالمعنى لإن من الأسهل تفتكر الكلمه بسياقها عن إنك تفتكرها من غير مثال عليها.
إشترك في كورسات Mr. John Edward وهانساعدك تتعامل مع كل المشاكل دي وهانعلّمك الـ Inverted Reading Technique اللي هايخليك تحل أحسن وتقرا أقل، وكمان كتاب SAT Essentials: Reading and Vocabulary هايكون في كل الكلمات اللي ممكن تحتاجها ومثال على كل كلمه عشان تقدر تفتكرهم كويس.
تابع الموقع عشان يوصلك شرح يساعدك في المذاكره وكمان تعرف مواعيد كورسات Mr. John Edward
لحجز الكورس سجل بياناتك في اللينك ده وهانتواصل معاك
https://mrjohnedward.com/book-a-class
Mr. John Edward
Cambridge CELTA Certified English Instructor